畫師小專欄 - IHOKE

畫師自我介紹：

哈囉！我係IHOKE，今年21歲，係一位日系動漫畫師，2021年開始自學電繪，一般都以同人作為插畫主題。喺以下落嚟我會介紹一下自己一直以來嘅畫師生涯哦✨✨

畫師作為我嘅人生目標

其實喺細個嘅時候，就已經深深被創意界所吸引，感覺畫師們可以畫出一幅又一幅嘅傑作非常之犀利。所以一直都好羨慕佢地嘅才華，有一日都想成為佢哋一樣，可以隨手就畫出一幅又一幅嘅傑作，同時又就可以以畫畫維生。如是者，我細個嗰陣時就開始自己手繪了，雖然嗰陣時我畫畫好差，儲咗唔少黑歷史😂😂但係作為畫師嘅目標一直都無變。

我嘅學生生涯

喺小學嘅時候，都無乜注重創作，畢竟屋企人一直都唔支持我向呢一方面發展🗿。直至中學嘅時候，我先至向呢方面開始進發🏃‍♂

入咗林大輝中學之後，係中三果時我識咗IT老師-馮sir，嗰陣時我想學Game Design🎮，而馮sir卻建議我先從Blender起步。我聽從左佢嘅建議，而發現自己對3D建模都有唔少興趣✨，所以接下來幾年就系Blender裏面發掘不同嘅創作靈感了。喺過程路上我仲學識咗唔少軟件，例如Substance Painter, Photoshop等。而我仲獲得左少少成就，例如某次3D打印比賽（太耐啦，唔記得咗叫咩名🤣）同埋整咗學校Grad Book嘅封面。

DSE一戰定生死💀💀 + 都要死了不如學畫畫⁉

講起都有啲神奇，但係我開始學電繪嘅時候其實係DSE嗰年🤣🤣其實係咁嘅，嗰陣時發生咗好多事令到我壓力好大：例如屋企人出差做野，屋企得我同老豆一個、老師又大部份辭職、老豆又因佢屋企人喪生而俾咗好多壓力我，加上嗰陣時DSE + 肺炎疫情，令到我冇晒心機學習。

為咗逃避壓力，我決定咗用網課嘅時間去畫畫😂😂，畢竟聽老師亂up都冇咩用😂，操Past Paper最實際。於是，我就用左Clip Studio畫咗第一幅電繪畫作 - 心動文學社嘅莫妮卡，而且po咗上DeviantArt，而家睇返起簡直係黑歷史😂😂，不過唔知點解系DA上有咁多like啦🤣

DSE最後6科拎20分，因為中文攞2嘅關係入唔到大學💀💀不過就算DSE已經過咗去，我都繼續自學電繪。而係呢三年嘅經歷內，我偶然發現咗IllustBuy呢個平台，給予我機會展示我嘅技能